السبت، 23 يناير، 2016

مقال مترجم حصرى : ما لا تعرفة عن بروكرات الفوركس A Book &B Book

مقال مترجم حصرى 

 ما لا تعرفة عن بروكرات الفوركس A Book &B Book 

فكرة ال A book & B book


السلام عليكم و رحمة الله و بركاتة . موضوع اليوم من اهم المواضيع اللى ممكن تقراها فى التداول و بالذات فى الفوركس ؟ لانة بيتهم بفكرة عمل البروكرات ؟
الحقيقة   قبل ما نكلم فى الموضوع دا هو طبعا لية مصادر كالعادة هكتبها فى اخر المقال للاطلاع ..

المقدمة :

لازم تسال نفسك سوال مهم جدا .. هل البروكرات بيستفيد فقط لاغير من الاسبريد ؟ او العمولة ؟ فكر فى السوال لانة من اهم الاسئلة ؟
بمعنى واضح و بسيط هل كل موظفين الشركة من اول خدمة الدعم و الحسابات و الضرايب اللى عليهم و كمان الرقابة و مصاريفها هتكون و اقفة على ام ال 20 سنت بتوعك لما تفتح صفقة ؟  و كمان دا غير الايبيهات بيشارك طبعا فى العمولة او الاسبريد ؟ ايا كان 
كل الاسئلة دى مهمة جدا . بالاضافة انك عارف انة كقاعدة عامة (95% من المتداولين بيمرجنو خلال اول 3 شهور _ القاعدة دى عرف و انا مش عارف مصدرها ) المهم ان صاحب الشركة دا غبى يعنى ؟
الائءلة دى كلها + القاعدة المشهورة كمان مش هتخلى صاحب الشركة  يشغل دماغة مثلا ..الواقع اللى بيحصل فى الموضوع دا حاجة مهمة جدا جدا جدا   اسمها تقسيم العملاء 

اساس الفكرة (ازاى صاحب شركة الفوركس بيفكر )


من الاخر كدا انت عارف ان على الاقل 95% من المتداولين اللى عندك هيخسرو فى اول اكونت ليهم ...
انا هستفاد منها ازى طيب ؟ انا هعمل تقسيم للعملاء بتوعى و اللى انا شايفهم مش متداولين خبرة احطهم فى قائمة معينة اسمها B Book  و هيشتغلو كانة ديمو و لو كسبو انا اتحمل مكسبهم (اللى هو خسارتى اساسا )
و الناس اللى هى تمام انا هدخلها السوق و اكسب منها اسبريد و شكرا و كمان ممكن انسخ صفقاتهم على حساباتى لانهم متداولين خبرة 
كل اللى بحكية دا لو كان راجل صاحب شركة فوركس بيفهم بيزنس و كمان انا بفترض انة بيرد مكاسب للعملاء حتى لو هو مشغلهم على سيرفر ديمو و هو قدامهم لايف .
الشركات اللى هى من نوع النصابة بلاشك بتدخل كلو على قايمة ال b book  و ترفع الاسبريد وتشقلبلك المنصة ...
طبعا لازم تفهم انة فى رقابة للشركات ايا كان ترخيصها و الكلام الجميل دا اللى بيتردد ... بس الحقيقة فى كل مهنة فيها شمال ايا كانت مهنتك ... بالتالى فكرة انك تنقض موضوع تقسيم العملا و تقولى رخصة احب اقولك بالتاكيد ما خفى كان اعظم ,,,

طيب احب اقولك على حاجة ان شركة البارى لغاية دلوقتى شغالة بس الفرع الرئيسى اللى هو الروسى و فرع بريطانيا قفل .... اللى عاوز اقولة انة بيزنس عالى فلازم تفكر بعقلية تانية و تتخيل انك صاحب شركة فوركس ...
السوال المهم لية الشركات بتعمل كدا ؟ لية فى اكتر من سيرفر ؟ اسئلة كتير جدا 
شركة البارى حتى الان شغالة 

انا مش عاوز اقول انة كفاية علشان تاخد منصة الميتا ترايدر 4  لازم تدفع حوالى 100 الف دولار للرخصة .... (يعنى ارقام مهولة و عالية جدا مش هيدور علينا احنا بتوع ال 20 سنت فى الاسبريد )
المصدر من موقع فوركس فاكورى 

انا هجيبلك من الاخر فى صورتين علشان تفهم الفكرة

دى شركتك و عدد العملا بايداعتهم و كل حاجة   و هنشوف دلوقتى الفرق و المكاسب بين الشركات اللى تستخدم ال  A BOOK  & B BOOK
عدد العملاء و بداية الشركة 


مكسب الشركة لتطبيق كل موديل لوحدة 
اعتقد ان الفكرة وصلت فى الاخر من اللى عاوز اقولة ...

ملخص المقال 


1/ مهما كانت الشركة قوية خلى بالك و متثقش ثقة عمياء فيها . جتى البنوك و الله بتلعب و ادى المصدر من cftc
http://www.cftc.gov/PressRoom/PressReleases/pr7181-15

Barclays to Pay $400 Million Penalty to Settle CFTC Charges of Attempted Manipulation and False Reporting of Foreign Exchange Benchmark Rates

2/ من راى الشخصى _ علشان تعرف الشركة بتشغلك على ديمو اوا نت فاكر نفسك فى اللايف  انك تعمل سحب دورى حتى و لو انت خسران ...
 
المصادر الهامة لكتابة المقال 
http://www.abundancetradinggroup.com/what-is-a-book-vs-b-book-in-forex-trading/

http://www.forexfactory.com/showthread.php?t=454258
اعمل سيرش على Abook $ Book in forex trading 

اتاسف لعدم الاستمرار فى كتابة المقالات الخاصة بفوركس سبيكر ولكن الحقيقة يهمنى الجودة و الفكرة اكتر من كتابة 100 مقال مفيهمش جديد فى المجال 


وجهة نظر فى التوصيات _الحلقة السادسة من وجهات نظر فى الفوركس

وجهة نظر فى التوصيات _الحلقة السادسة من وجهات نظر فى الفوركس 


السلام عليكم و رحمة الله و بركاتة .  الحلقة السادسة موضوعها عن توصيات المواقع الاجتماعية و الجروبات و هنتناقش بموضوعية فكرة التوصيات 

الفكرة الاساسية للتوصيات 

الحقيقة التوصيات اتعملت علشان حاجة وحيدة الا و هى تعليم المتدوال المبتدى التداول و انها تنصحة بالمراكز فى البيع و الشراء .  و بتكون عادة من متداول ذو خبرة لاكتر من سنتين على الاقل انة ينشر توصية او يعمل جروب 
و مع وجود مواقع التواصل الاجتماعى اصبح موضوع التوصيات بصراحة مشتت للمبتدى و السبب بسيط ان الكل بقا ينشر توصيات 
و الحقيقة  ان المتداول اللى هو مبتدى (و هو الهدف من التوصية ) بيلاقى قدامة على الوول (الفيس بوك مثلا ) اكتر من 10 توصيات فى عملة و اللى يحيرك ان التوصيات بتكون عكس بعض ....
الصراحة.. الله يكون فى عونة لانة ساعتها بدل ما كانت التوصيات بتساعدة بقت تضرة لانة اتشتت بجد و مش عارف ياخد توصية مين و يسيب مين ؟؟؟؟؟

انواعها 

توصيات مجانية داخل جروب او على بروفايل 
توصيات مدفوعة مقدما (واتس اب / جروب /....)
توصيات خدمية  مقابل فتح حساب تحت وكالة 

اطراف الموضوع 

1/ مزود التوصية . المتداول الخبير او المتمرس و دا بيكون لية اهداف معلنة او غير معلنة ....
2/ متلقى التوصية . متداول مبتدى او عديم الثقة و فى بعض الاحيان ذو خبرة 
3/ وسيلة التواصل . مواقع الكترونية / شات / واتس اب /جروبات 

فوائد التوصيات 

1/ بتساعد المبتدى  ... بتديلة ثقة لو وافقت مع تحليلة او مركزة فى السوق (بيع/شرا)
2/ انت عندك اكتر من 50 زوج يعنى عمرك ما هتشوف جميع شارتات الازواج مع اختلاف التيم فريم   يعنى انت محتاج كدا على الاقل 250 شارت تشوفهم و تختار افضل فرصة (دا لو انت فوركساوى متمرس )  يعنى بتفيد برضو المتداول ذو الخبرة 
3/  بتخلى اكتر من متداول انهم يتناقشو فيها و دى ميزة انك تتعلم من الغير (دا اذا كان بيحصل عمليا و هقولك قدام اية اللى بيحصل عمليا ....)

عيوب التوصيات 

1/ الموضوع بقا ارقام ... يعنى الراجل اللى داخل التوصية علشان يتعلم.. ما اتعلمش حاجة اساسا و حتى لو كسب فلوس و فرحان هو مش فاهم  انة بكدا   بيخسر لاكتر من سبب (مع انة كسبان فلوس )  
خسران انة اتعود على التوصية بالارقام و دخول و خروج و ما هو الا منفذ فقط لا غير
خسران انة متعلمش من مزود التوصية لية قال بيع؟ او شرا ؟ او حتى لية الاسوب هنا او هناك ؟
خسران انة عمرة ما هيسال و يتناقش مع مزود التوصية و كانة راسم الشموع المستقبلية بايدة  ..
2/ مزود التوصية بيديلك احساس انة معاة سر او مش عاوز يقول لية بيع او شرا ؟
العيب دا بيوقعلك اى ثقة عندك (دا على اساس انك مصدق ). و بيخليك تابع لية بدون نقاش .  و لازم اللى بيرفع توصية يحط شارت ليها.. لازم لازم لازم ...


وجهة نظرى اخيرا (ملخص المقال )


1/ من حق اى مزود توصية انة يطالب بحقة فى اشتراك شهرى 
2/ لازم كل مزود توصية يرفق شارت للمتابعين (على الاقل احترام ليهم ..و المعلومة مش حكر )
3/ لو مزود التوصية مقالش اسبابة فى التداول_تحليلة _ (البيع او الشرا ) من الاخر كدا يبقى نيتة مش سليمة و دا مش بيزنس 
البيزنس الصح انت باخد اجر مقابل شهر تداول لتحقيق مثالا 500 بيب شهريا . يبيقى فى المقابل لازم الناس تعرف اسلوبك فى التداول + شارت التوصية يكون قدامهم 
4/ حاول تعمل سكرين شوت  للصفقة بعد انتهائها 
5/ لازم تكون عارف زمن التوصية ( انتراداى / سوينج / سكالب)  ... لان متلقيي التوصية لازم يعرفو هم هيحبسو فلوسهم اد اية فى التريداية
6/ الافضل من التوصية انة يكون فى ربط حسابات على mql4  او حتى فى pamm و خلص الكلام ... لانة للاسف متلقى التوصية مش قاعد24 ساعة مستنى صفقتك .

الثلاثاء، 22 سبتمبر، 2015

ازاى تشوف الهيستورى بتاعك History على الشارت visual حصريا على فوركس سبيكر

ازاى تشوف الهيستورى بتاعك History على الشارت visual حصريا على فوركس سبيكر 

السلام عليكم و رحمة الله و بركاتة . احب اشارك مع قراء فوركس سبيكر اداة مهمة جدا جدا 
اكلمنا فى اكتر من موضوع بخصوص ادارة راس المال و دا كان لية اكتر من جزء و هم 
اننا لازم نشوف بعد كل فترة الهيستورى و نعرف العيوب من الاستراتيجية اللى ماشيين عليها , و كمان دا هيفيدنا جدا اننا نحاول نتفاداها لكن المشكلة انك لما بتعمل الهيستورى بيكون شكلة كانة كشف حساب .  هعرضلكم مثال على حساب فوركس سبيكر التجريبى الخاص على الميتاكوت.

 والهيستورى اللى كلنا متعودين على شكلة الطبيعى بيكون كدا و بالارقام ممل بالطريقة دى 
هيستورى فوركس سبيكر الحساب التجريبى 
احنا محتاجين ان الهيستورى يكون بالشكل دا بالظبط 
الهسيورى الخاص بالموقع على الشارت 
علشان توصل لكدة عندك حلين
1/ الحل الاول ممل جدا لانك هتاخد كل صفقة و تسحبها على الشارت و دا ممل جدا لانك لو عاوز تعرف هيستورى لحساب عمل 100 صفقة او بقالو 2 شهور انت هتضيع اليوم بالكامل فى رفع رفع صفقة صفقة على الشارت ... 

2/ الحل التانى هو سكربت يرفع كل الهيستورى مرة واحدة على الشارت و انت تعيش و تشوف رد فعل السوق و انت طلعت فى الوقت الصح او انت استعجلت فى دخول الصفقة و بامانة هيفيدك جدا فى تطوير شغلك و عرف العيوب بسرعة 

لتحميل الاكسبيرت اضغط هنا 

الموضوع مترجم من موقع Forex Factory  على مقال 

Improved OrderHistory mq4 script to display trade history on charts


رجاء فضلا و ليس امرا
اتمنى من قراء موقع forexspeaker  تسجيل الايميل على Follow by  Email 

داخل الموقع لارسال كل ما هو جديد من مقالاتنا و شكرا 
عيد سعيد 

الجمعة، 18 سبتمبر، 2015

التداول فى البورصة الامريكية وفتح حساب تجريبى

التداول فى البورصة الامريكية وفتح حساب تجريبى 

think or swim 

المقدمة 

السلام عليكم و رحمة الله و بركاتة .. احب اشارك معاكم فى موضوع النهاردة ازاى ممكن نتداول فى البورصة الامريكية  و نعمل محفظة تجريبية.
الشائع جدا على الويب بالنسبة للفوركس او البورصة هتلاقى اعلانات لفتح حساب تجريبى Demo Account  فى الفوركس لكن محدش قال انك ممكن ازاى تتداول على البورصة الامريكية و تعمل محفظة Demo  و تبيع و تشترى اسهم بالسعر الحالى فى السوق و تستخدم التحليل الفنى او ايا ما كان اسلوبك فى التداول؟؟؟!!!
الحق يقال الميتا ترايدر كل يوم عن يوم فية تطوير من اول دخول الاندكسات للبورصات و CFD كلام كتيير و المفيد ان الميتا ترايدر بيتطور 
و لكن من الملاحظ ان اغلب شركات الوساطة فى امريكا مش بتستخدم الميتا ترايدر.
تعالى اقولك  الميتاكوت عملت اية علشان تدخل البورصات مش بس عملات
نزلت الميتا ترايدر 5 و دا اللى مش ناس كتيير عارفة الفرق من 5 و 4 و لية اساسا الميتاكوت عملت كدا... و طبعا لازم اجيبلك SOURCE كالعادة 
لماذا الميتاكوت اصدرت الميتاترايدر 5!

نصيحة للمبرمجين 

متحاولش تتعلم وتضيع وقت فى MQL5   على الميتاترايدر 5 لانها منصة مش بتدعم ال HEDGE وشغالة على قوانين ال FIFO و مشاكلها فى التداول  ...

 و للاسف فى PLATFORM  اقوى بكتيير من الميتا ترايدر. كمثال برنامج THINK OR SWIM  برنامج و هم وخيال  جدا و اللى متدرب علية يقدر يراقب السوق بسرعة و كمان  ممكن يخصص اسهم معينة للمراقبة و يعمل بحث على اى بريك اوت على اى مدة زمنية ... فية مميزات كتير اوى عن الميتاترايدر ..تعالو ندخل على الموضوع ..

ازاى اتدرب فى البورصة الامريكية و افتح محفظة (حساب تجريبى)

انت محتاج تعمل محفظة و همية فى البورصة و تتداول عليها من اول البيع و الشراء و  .. فى اكتر من موقع بيقدم الخدمة دى و بدون مقابل . انت محتاج تعمل حساب اسمة Paper Money و دا معناة كدا حساب تحريبى او Demo Account
 بيكون لمدة حوالى 60 يوم حساب تجريبى للتدريب على عمليات السوق و هيكون على افضل منصة لتداول الاسهم(من راى الشخصى) فى البورصة الامريكية و كمان ممكن تتداول على الفوركس (العملات )

انشاء حساب فى ThinkOrSwim 


1/ التسجيل فى الموقع _ اضغط على اللينك _ تكتب بياناتك و تسجل فى الموقع و بيديلك رابط للتحميل المنصة او بتفتح من الايميل و تلاقى الرابط لتحميل المنصة عندك 
Think Or Swim Logo
بعد تحميل المنصة وتسطيبها على الجهاز بتكتب الuser  و ال password  و بتدخل على المنصة بالpaper money 

تعليم كيفية التداول على المنصة 

فى فيديوهات و Tutorials كتير جدا على الويب لتعليم المنصة وازاى تبيع او تشترى اسهم و كمان تعمل scan  على بعض الاسهم الخاصة بال penny stock 
من افضل الفيديوهات التعليمية للمنصة 


اكتر من 300 فيديو على الاقل لشرح منصة think or swim او بالاختصار TOS 

طرق اخرى لتعليم التداول على الاسهم الامريكية عن طريق المواقع 

لو انت شايف ان الاعتماد على المنصة هياخد منك وقت كبير مع العلم انها فعالة جدا انصحك تشوف ال5 موقع الهامة جدا و هى ال stock game للتعليم بال Paper Money (حساب تجريبى)
1/wallstreetsurvivor
2/howthemarketworks
3/youngmoney
4/marketwatch
5/updown
تم نشر افضل مواقع لل stok game بناءا على موقع mashable. فى مقال عن 

5 Great Games for Learning Stock Market Strategy


الموضوع هام جدا لاى متداول عاوز يجرب التداول على الاسهم الامريكية و معرفة مميزاتها و منصاتها الخاصة .
اتمنالكم التوفيق دائما.



الثلاثاء، 8 سبتمبر، 2015

شرح كامل لشهادة CEWA محلل موجات اليوت معتمد

شرح كامل لشهادة CEWA محلل موجات اليوت معتمد

ELLIOT WAVE ANALYST
السلام عليكم و رحمة الله و بركاتة . اصبح العالم الان يهتم بالتخصص .و بالتالى من يهتم بالعلم فعلية بالتخصص داخل مجالة . و دا اللى هنشوفو النهاردة مع بعض بخصوص التحليل بموجات اليوت 
الحقيقة لا يكفى ليك كمحلل داخل الاسواق بالحصول فقط لا غير على
او حتى التطوير و محاولة الوصول الى الخبرة و الترقى بالمحافظ الاستثمارية او البنوك الكبرى بالحصول على 
اصبح الان محللين متخصصين باستخدام موجات اليوت و تحليلها و الاعتماد على نظرية اليوت داخل الاسواق المالية و سلوك السعر و المستثمرين .
مصدر الموضوع من الجهة المصدرة للشهادة و هو الموقع الرسمى ليها و على هذا  اللينك

تعريف شهادة ال CEWA

هى Certified Elliott Wave Analyst . و 
شهادة متخصصة جدا بالتحليل المستند الى موجات اليوت . و كل الاليوتيين عارفينها و هى الحقيقة شهادة هامة جدا .

مستويات الشهادة 

شهادة محلل موجات اليوت معتمد مكونة من جزئين (زى شهادة ال CFTE ) و المستويين لاينفصلو عن بعض و هم مكملين للمنهج العام ليها 

المستوى الاول  Level 1
 اول ما تسجل بالموقع فى المستوى الاول بيكون ليك عرض لاهم المصادر علشان تتعلم التحليل بموجات اليوت .. و هو عادة مستوى اساسيات التحليل بيها بعد ما بتجتاز الامتحان بتكون مؤهل للمستوى الثانى 
داخل الصورة جميع البيانات الهامة بالامتحان و المدة الزمنية و التكلفة 
بيانات الخاصة بالامتحان للمستوى الاول بالشهادة

المستوى الثانى Level 2

متقدرش تمتحن المستوى الثانى الا اذا عديت من الامتحان للمستوى الاول .. المستوى الثانى هو المستوى الاخير و المتقدم من الشهادة و متقدم فى المنهج
داخل الصورة جميع البيانات الهامة بالامتحان و المدة الزمنية و التكلفة 
البيانات الخاصة بالمستوى الثانى للشهادة 

بالنسبة للمناهج و الكتب الهامة 

داخل اللينك  هتلاقى ال store  بالنسبة للكتب المعتمدة و اسعارها و المناهج من الممكن تكون كتب او DVD    و اسعارها بتكون فى اللينك و من الممكن شرائها اون لاين 
و هنا صورة توضح ال store
المناهج التعليمية ل cewa
مع تحياتى   
احمد الشيمى 

السبت، 5 سبتمبر، 2015

اجراءات فتح حساب فوركس فى بنك !! الخلاصة

 السلام عليكم و رحمة الله و بركاتة 
فتح حساب تداول بالبنوك

اسئلة كتير جدا من مبتدئين الفوركس بتسال عن اجراءات فتح حساب فى بنك
(ايا كان بلدة) . الحقيقة الاجراءات ممكن تكون فى اسبوع او شهر على حسب معرفتك او تجهيزك للورق الخاص بيك 

ملحوظة هامة 
الموضوع عن اى بنك ايا كان اغلب الاوراق المطلوبة واحدة و لا نرشح اى بنك بخاصة للتداول بية (من اهداف فروكس سبيكر تعليمية فقط و غير تسويقية )

اول خطوة 
اول خطوة ليك لو شوفت اى بنك تداول على الفوركس لازم تكون عارف المنصة بتاعتة و مجربها (من الاخر متقنها لانة فى بعض البنوك مش بتدعم الميتا ترايدر ) و الاهم تكون عارف الرافعة بتاعتك كام و حد اقصى و كل حاجة عن البيانات و ارشحلك انك تكون على الاقل لمدة شهر على منصة البنك و تشوف عيوبها اية 

الخطوة الثانية 
يكون عندك حساب جارى ببنك مصرى و من الافضل يكون بالدولار مش بالمصرى لانك اللى هتسحب علية
1/ لو حسابك البنكى بالعملة المصرية لازم تسال البنك بتاعك ممكن تحول دولارات ام لا ؟ بعض البنوك فى مصر و عن تجربة يقولك هات الدولارات و انا هحولهالك  (انت اللى تتصرف فى العملة )

2/ ارشحلك تقتح فى بنك مصرى محترم و يفضل مش بنك حكومى و الاهم تكون عارف ال سويفت كود او IBAN و ما الى اخرة و مصاريف التحويل و مصاريف الاستقبال و كمان تكون عارف كل شهر المصاريف الادارية بتكون كام ؟؟ من المفروض تكون عندك معلومات كلها علشان لما تسحب او تستقبل تكون عارف كام جايلك ... كام سحبت ؟  


3/ اغلب البنوك لا تقبل الايداع  بحسابات البنوك الالكترونية(نيتلر / سكريل / ويب منى) 
4/ الحساب البنكى بتعمل علية كشف حساب و بتجهزة لانك هتبعتة للبنك بتاع الفوركس 
يعنى من الافضل ميكنش عدا علية اكتر من 3 شهور(كشف الحساب ).. و الاهم من كل دا عنوان اللى مكتوب على كشف الحساب يكون هو العنوان اللى انت كاتبة فى الاستمارة بتاعت البنك (الفوركس )  لانها بتكون اثبات اقامة
5/(فى الاغلب ) البنوك (الخاصة بالفوركس ) بيطلب منك ايصال مياة او نور او غاز لاثبات الاقامة و المشكلة 3/4 المصريين مش هتلاقى اسمة على ايصال الغاز حتى 
اكلم معاهم على الدعم و حاول تخليها على كشف الحساب البنكى اللى يثبت اقامتك 

 الخطوة الثالتة

انت كدا عملت الحساب البنكى الجارى بعملة الدولار(مثالا) و دلوقتى هنعمل حساب فى الفوركس فى  البنك...   بيطلب من العميل انة يملاء استمارة (Application )   و بتكون اكتر من صفحة فيها كل بيانات الخاصة بية من اول  الجنسية و السكن و كل المعلومات و خلى بالك من اللى انت بتكتبة لانك هتمضى علية يا ريس !؟
على العموم  هتمشى للاخر على الاستمار الاونلاين و بعد ما تخلص هيتبعت على ايميلك ملف PDF بكل اللى انت كتبتة  و بيطلب منك الامضاء علية و تكملة الاوراق الاخرى 

الخطور الرابعة 
صورة البطاقة القومية او صورة الجواز السفر يكون مختومة من مصلحة حكومية او سفارة او اى وزارة  او من ختم مكتب محامى و يكون مكتوب عليها صورة طبق الاصل و تكون موقعة من المحام او المصلحة الحكومية و بالتاريخ و كمان يثبت امضاءك عليها 
على فكرة انت هتبعتها اصل مع الاستمارة و الكشف الحساب البنكى على عنوان البنك برا مصر متحاولش تضربها على اى سكانر (متشغلش دماغك مش مستهلة )
اى محامى صاحبك  يختملك عليها و خلص الكلام هى الفكرة روتين ....
لو اتزنقت و عاوز شمال.. اعمل ختم محامى باى اسم  من  العتبة و اضرب الختم الحى (الاصلى ) و لا حد شاف و لا اى حاجة (مش هتكلفك اكتر من 60جنية )

الخطوة الخامسة 
انت كدا معاك  الاستمارة بتاعت البنك اللى على النت و طبعتها و مضيت عليها و معاك كشف حساب بنكى علية عنوانك و معاك كمان صورة البطاقة او صورة الجواز مختومة و كلو تمام 
دلوقتى كلم دعم البنك و ابعتلة الورق دا كلة على الايميل  و هو بيراجعة و بيقولك تمام ابعت على عنوان البنك الاصول يا محترم 
و بيديلك بيانات حسابك و الف مبروك يا عميل 

الخطوة السادسة 
تروح البنك اللى فى مصر و تعمل التحويل بتاعك للبنك برا مصر و تستنى حوالى 5 ايام عمل و  هتلاقى الفلوس فى حسابك 

نقاط هامة 
1/ اعرف الحد الادنى لفتح حساب بالبنوك
2/ كلم الدعم دايما .. انت عميل بدل ماتسال ترايدر تانى اسال الدعم و اكتب ايميل او كلمهم لايف على الموقع  ... من حقك تتشقلب مع الدعم و تسال فى اى حاجة 
3/ اعرف الرافعة و اى بيانات خاصة بالتداول من اول الاستوب اوت او اى حاجة تهمك من اول الهيدج و ما الى اخرة 
4/ لازم تجرب السحب بعد شهر من تداولك حتى و انت خسران (لازم تشوفة على السحب بيكون وقت اد اية )



مع تحياتى 
احمد الشيمى

الأحد، 30 أغسطس، 2015

استراتيجيات فوركس متقدمة بالايشيموكو (الجزء الثالث). موضوع مترجم و حصرى


استراتيجيات فوركس متقدمة بالايشيموكو (الجزء الثالث). موضوع مترجم و حصرى


السلام عليكم و رحة الله و بركاتة . موضوع النهاردة تكملة لترجمة اقوى كتاب فى نظام  الايشيموكو و هو كتاب

Trading with Ichimoku Clouds: The Essential Guide to Ichimoku Kinko Hyo Technical Analysis

. و عرضنا معاكم فى السابق استراتيجيات لاستخدام المؤشر و هى الاستراتيجية المثالية و الاستراتيجية المتقدمة الثانية 

اليوم موضوع الاستراتيجية عن تقاطع السعر مع  الكيجن سن 

اطلق على هذة الاستراتيجية بانها استراتيجية التداول اليومى .و الاستراتيجيات الاخرى من الممكن استخدامها ايضا للتداول اليومى و لكن هذة الاستراتيجية هى المثالية للتداول اليومى لانة بها اقل مخاطرة مقارنة بجميع الاستراتيجيات الاخرى 
للحصول على اقل مخاطرة من الواجب الاستغناء عن بعض القواعد . هل من المكن اى ترايدر يخمن ما هى ؟
حسنا . انها احتمالية النجاح. انها قليلة الى حد ما لانة و قف الخسارى بها قليل جدا مقارنة بالاستراتيجيات الاخرى الخاصة بالايشيموكو 
و لكن نسبة الربح/ الخسارة كبيرة جدا جدا جدا و  هو ratio  

قواعد الشراء طبقا للاستراتيجية 

1/ تقاطع السعر للكيجن سن لاعلى 
2/ يجب ان يكون التنكن سن متجها لاعلى  و الكيجن سن المستوى السطحى (فلات ) فى حالة اذا كان التنكن سن اقل من الكيجن سن 
3/   او فى حالة اذا كان التنكن سن اعلى من الكيجن سن 
4/ الشيكو سبان يكون على مساحة مفتوحة امامة  
5/ السبان B  يكون مسطح او (فلات ) او متجها لاعلى 
6/ اذا كان سبان A اقل من سبان B . يجب ان يكون فى هذة الحالة السبان A  متجها لاعلى 
7/ السعر و التنكن سن و الكيجن سن و الشيكو سبان لا يكونو داخل سحابة الكومو . و اذا كان ايا منهم داخلها لا يجب ان تكون عادة السحابة سميكة فى كلتا الاحوال  
8/ السعر لا يكون بعيدا عن التنكن سن او الكيجن سن 
9/ اختياريا . سحابة الكومو لا تكون سميكة 

قواعد البيع  طبقا للاستراتيجية 

1/ تقاطع السعر للكيجن سن لاسفل
2/ يجب ان يكون التنكن سن متجها لاسفل  و الكيجن سن المستوى السطحى (فلات ) فى حالة اذا كان التنكن سن اقوى (اعلى ) من الكيجن سن 
3/   او فى حالة اذا كان التنكن سن اقل (اضعف) من الكيجن سن 
4/ الشيكو سبان يكون على مساحة مفتوحة امامة  
5/ السبان B  يكون مسطح او (فلات ) او متجها لاسفل 
6/ اذا كان سبان A اقل من سبان B . يجب ان يكون فى هذة الحالة السبان A  متجها لاسفل
7/ السعر و التنكن سن و الكيجن سن و الشيكو سبان لا يكونو داخل سحابة الكومو . و اذا كان ايا منهم داخلها لا يجب ان تكون عادة السحابة سميكة فى كلتا الاحوال  
8/ السعر لا يكون بعيدا عن التنكن سن او الكيجن سن 
9/ اختياريا . سحابة الكومو لا تكون سميكة 

فى الشارت التالى سترى جميع شروط استراتيجية تقاطع الكيجن سن ما عد الشيكو سبان حيث انة ما زال اشارة  بيع على الشارت و لكن اذا وضعنا الدخول اعلى من مقاومة قوية فلا توجد مشكلة بالنسبة للشيكو سبان  
استراتيجية تقاطع السعر مع الكيجن سن

مميزاتها 

1/ استراتيجية تقاطع السعر مع الكيجن سن  ممكن نستفاد منها باكتر من طريقة و انت شغال و هقولك ازاى 

        اولا/  ممكن تستخدمها علشان تكون نقطة خروج من اى سيجنال على اى من الاستراتيجيتين السابقتين و مثال قوى كالاتى 
لو انت بايع  على اساس الاستراتيجية المثالية و السعر عامل معاك ربح و بعد كد حصل تقاطع السعر مع الكيجن سن دى بتكون نقطة خروج حلوة ليك و تستنى نقطة دخول تانى  و تحمى ارباحك 
        ثانيا/  لو انت شغال على  التبريد (او ال GRID SYSTEM ) هتكون عامل دخول كويس منها لانها تبريد على الصفقة الخسرانة معاك 
   
2/  لو انت من هاوى يكون التارجت تريبل الاستوب لوز .. هايلة جدا  لانها بتعمل استوب 10 بيب  على هدف على الاقل 30 بيب . الراتيو بتاعها على الاقل 1:3

3/ بتديلك بداية ترند من اول قاعة عادة (على حسب التيم فريم بتاعك )

4/  تيم فريم من اول ال 5M  حتى ال 15 M 

5/ اشارتها بتكون  قبل تكوين اشارة تقاطع الكيجن سن مع التنكن سن و اضعف منها
(الاستراتيجية المتقدمة الجزء الثانى )

عيوبها 

1/اكبر  عيب انها هتخليك اوفر ترايدينج .. لانة مثال ممكن تعمل معاك صفقتين خسارة و التالتة مكسب 
2/ بتكون داخل عكس الترند الظاهر ... بمعنى انت ممكن تشترى و الترند بيع عام على فريم اكبر منة
عاوز تدريب و سيطرة على اللوت 
3/ لا انصح بيها للمبتدئين 

السبت، 29 أغسطس، 2015

اختصارات لوحة المفاتيح على الميتا ترايدر 4

اختصارات لوحة المفاتيح على الميتا ترايدر 4

السلام عليكم و رحة الله و بركاتة 
موضوعنا اليوم   جميل جدا و ترفيهى و يساعد اى ترايدر فى شغلة على platform
 (المنصة ) لانة بيعلمة ازاى يستخدم لوحة المفاتيح بشكل عملى و مفيد و انجاز الوقت و السرعة و بالذات لحبايبنا الاسكالبر 

المقدمة 

انت ممكن تقضى 6 ساعات  يوميا على الشاشة و مش عارف ازاى تستخدم الميتا ترايدر باكتر فاعلية . و اكتر سرعة . و اكتر احترافية و تتمكن من الشاشة 
الحقيقة الموضوع دا بيديلك ثقة فى تداولك و تعاملك مع الشاشة و سرعة فى تنفيذ القرار لاننا هنستخدم لوحة المفاتيح على اختصارات للميتا ترايدير  HOT KEY 

اولا: استخدام مفتاح ال CONTROL 

اختصارات المفاتيح للميتا ترايدر 4 لمفتاح control 
ثانيا : استخدام مفاتيح ال
اختصار المفاتيح للميتا ترايدر 4  لجميع مفاتيح F
ثالثا : استخدام مفتاح ال ALT
اختصار المفاتيح للميتا ترايدر 4  لجميع مفاتيح ALT 
رابعا : استخدام مفاتيح اخرى عامة 
اختصار مفاتيح الاسهم (يمين / شمال/ ....) فى الميتا ترايدر 
خلاصة الموضوع 
مش لازم تحفظ كل الاختصارات يكفيك الاختصارات اللى انت بتستخدمها كتير جدا زى لما تفتح صفقة تضغط على F9  علطول   و بالفكرة دى تجرب كل الاختصارات  و تحفظ اللى انت شغال علية علطول .....

الجمعة، 21 أغسطس، 2015

ما هو ال trading lifestyle ؟ موضوع حصرى


السلام عليكم ورحمة الله و بركاتة 
احب اشارك معاكم اليوم موضوع لاول مرة يطرح على الويب العربى و هو ال trading life style  (كان ليا مصطلح انة   الفوركس الرحالة )
مش معناة انك تلبس تيشرت علية stock market او الخ الخ . الفكرة بسيطة جدا الزمن اتغير من ايام ما كان اسماعيل ياسين كان بيشترى القطن بالتليفون الارضى و بيعمل اوردر بيع او شرا او ما الى ذلك . احنا فى 2015 و دلوقتى الزمن اتغير و طلعت مصطلحات ال Free Lnacer  و دا اللى هنكلم علية مع بعض و بالمصادر كما عودناكم فى فوركس سبيكر 
الحقيقة ان اغلب الفوركسيين العرب بيحلمو يكونو زى فلان او علان اللى هو اكبر محللين فى شركة كذا و عمال يجرى على شهادات و يدفع فيها مبالغ كبيرة علشان فقط لا غير يحصل على وظيفة مش علشان هو مستواة فى التداول يزيد و يفلتر استراتيجيات او اى قيمة مضافة الية شخصيا
هثبتلك انة العكس بيحصل برامصر. مع العلم ان ال trading lifestyle  هو شائع و لكن فى المقابل الكسندر الدر فى كتبة غير متفق فى الفكرة ..  عن نفسى شخصيا انا مع ثورة ال trading lifestyle لاسباب كتيرة 

اساس الفكرة trading life style

الفكرة من الموظفين (الترايدر / مدير الصندوق /....) داخل البنوك بياخد خبرة  و مع الوقت بيقرر انة يسيب الشغل و يكتفى على الخبرة العملية اللى اخدها و طبعا معاة عملاء من البنك ..... و بيعمل موقع او بلوج و كمان بيالف كتب و بيدير مالة الخاص !!!!
احنا هنا بنعمل العكس تلاقى الترايدر لسة معداش علية سنة و من اولها بيجرى على وكالة و ادارة حسابات و توصيات و جروبات و ممكن يدرس شهادة زى 
مش علشان يتعلم لا لا  علشان يشتغل و يتقال انة شغال فى شركة x او z ..  ثقافتنا المشكلة الكبيرة ...   لكن برا مصر هتلاقى انة اساسا العمر مجريش بية و هو معاة الشهادات دى اساسا من بدرى فى سنة الصغير و اشتغل و اخد قرار انة يخلع و يعيش حياتة ...
احنا بنعكس الاية و الله   لان ثقافتنا مسيطرة علينا و عدم الاطلاع كمان موثر جامد علينا و علشان اثبتلك انا عندى سوال رد علية مع نفسك كدا
انت قريت كام كتاب السنة دى فى البورصة او الفوركس ؟     طب اسمع دى شفت كام فيديو بيكلم عن استراتيجية العفريت و استراتيجية المستحيل و استراتيجية 100%مكسب ؟؟؟  او وداعا للخسارة الخ الخ
انت مش واخد بالك انك فى نعمة انك فى مصر هههههههههههه  هقولك لية لانة انت لو عامل حساب و جنسيتك امريكى هتدفع ضرايب و دا اللى بيحصل لما تفتح حساب.. اهم حاجة لازم يعرفة انت امريكى و لا لا ؟؟؟؟؟؟  شفت ازاى انة عندك فرصة كويسة ؟
طبعا حسابات ال 100$ او 250$ مش فارقة معاة اساسا جوا مصر  او برا مصر   بس لو رقم محترم هتفرق كتيير جدا 
احنا بنفكر غلط علشان مش شايفين و لا عارفين التفكير الصح فين و اكبر مثال على كدا لما ترايدر خسر مالة فى البورصة انت عارف عمل اية و ازاى عمل مليون دولار
شوف الموضوع دا 
بالمختصر الراجل دا اخد العلم و البرمجة طريق مفكرش انة ياخد وكالة او يدير حسابات علشان يعوض خسارتة ....(مع العلم فى وكلاء محترمين جدا جدا و على مستوى عالى )
بس لو انت جديد بلاش تدخل فى الدوامة دى لانها هتبعدك شوية عن اللى انت كنت عاوزة اساسا انك تكون ترايدر محترف 

 اول مثال عندنا هو Chris Dunn      
  

علشان ندخل بالمختصر   هو كان شغال موظف عادى (ترايدر )  لكنة قرر يسيب الشغل وعمل قناة على اليوتيوب و بيعمل دروس و بيكسب اكيد من موقعة او فيديوهاتة و دا من حقة و الاهم ان زوجتة كمان علمها البورصة و خلاها تشتغل معاة 
بس مش دى النهاية الموضوع مش فلوس بس (متكنش عبد للمال).. عمك كريس من الرحالة لانة free lancer  كل مجة بيزو بلد معينة هو و مراتة و كمان بيشتغلو على الويب ... و كمان كان عامل مسابقة و فى ترايدر اداهم جوائز و منهم اللى سافر معاة فى camp  دى الحياة اللى بجد ...
شغال براحتة و كمان مستمتع جدا .و الاهم انة حظة جميل جدا لانة مراتة بتشغل كمان معاة .... راجل محظوظ بامانة ههههههه

تانى مثال معانا هو Ernie Chan 

ركز مع الراجل دا علشان هتستغرب جدا  ......  اكتر من رائع و بجد مصدر الهام 
مش عاوز اقول انة معاة دكتوراة .... وكمان البلوج الخاصة بية بتتكلم عن احدث الاستارتيجيات للتداول الالى و ازاى نعدل عليهم الحقيقة مش اى ترايدر يتابعة انا بعانى علشان افهم شغلة لانة مش تداول بس (algorithm trading / quant trading )
و ادارة محافظ و تقليل الريسك مع اعلى عائد   قصص كتيير و دوشة . اللى يهمنا انة كان شغال فين ؟ و قرر يحول كل  حاجة و يعمل كتب و موضوع و شركة و يدير محفظتة و الخ الخ .....  
علشان متقلش انى مبالغ عنة و انة كان فى morgan stanley  او اى هرى. ادى سكرين شوت من البروفايل بتاعة 
و لية اكتر من كتاب منشور عن التداول و اقوى الاستراتيجيات المعروفة ...و الحقيقة هو شغال على quant trading  و دا كلام تانى خالص ....  شغل بورصة بجد و تفكير


الراى المعاكس من الكسندر الدر 

الكسندر الدر الحقيقة ضد الفكرة لانة بيعتبر انة لما يكون عليك رقيب او شغال تحت مدير بيكون ادائك افضل و كمان نسبة ال 2% خطورة على كل صفقة و   نسبة ال 6% اقصى خسارة شهرية بتخلى الترايدر محكوم  فى شغلة ..
المصدر من كتابة  come in to my trading room  صفحة 224


نقضى لفكرة  الكسندر الدر 

الحقيقة الموضوع بيدور حوالين شخصية المتاجر و العامل النفسى و الضغط العصبى .. لو الترايدر  متحكم فى شخصيتة هينجح و مش هيكون محتاج رقيب او شركة او وظيفة ما دام مطبق القواعد الاساسية ..

بس لما تتعمق فى الفكرة هتلاقى السبب الرئيسى لاغلب الترايدر داخل البنوك مشكلتهم فى التزاماتهم المالية من اول( اقساط عربية / ايجار المنزل / مصاريف ملهاش لازمة /.... الخ )   و الحقيقة احب اعرضلك صورة مهمة جدا هتلخص الفكرة العامة 





ملاحظات على المقال 

1/ متحاولش انك تسيب شغلك علشان الفوركس ..  اللى عرضناهم دول ناس اساسا شغالة فى المجال ... لو انت شغال و مستثمر فى البورصة يبقى متسيبش شغلك بسهولة . قرار مش سهل 
2/ لو انت فى البداية و مش شغال اوعى تدور على وظيفة فى الفوكس . الناس اللى شغالة بتسيبها اساسا متجيش انت تضيع عمرك علشان تكون موظف 
3/ لو عاوز تدرس شهادات ادرس علشان تتعلم وتتطور مش علشان تلاقى وظيفة 
4/ راس مالك يحكمك فى الشغل (دى بورصة مش بوكر )
5/ اعمل نظام يومى و كمان على مدار السنة . و لو انت من ال trading lifestyle  لازم تسافر و تعيش حياتك يعنى من الاخر انصحك شهر 12 يكون اجازتك لانة شهر مضروب و كلو اجازات كريسماس 
6/ فى اكتر من مثال فى ال Financial Freedom . الاغلب بيعتمد على الحسابات الكبيرة . و لو انت عاوز تبتدى صح انصحك تشوف الموضوع دا 
اشهر 5 متداولين فى على شبكات التداول الاجتماعى 
7/ متحاولش تدير حسابات اشخاص ديركت و شوف دا 
اسباب عدم قبول ادارة الحسابات
8/ مهمة جدا 
الاجانب بيدورو على تاجر محترف .. العرب بيدورو على محلل محترف 
9/ انت لازم تعمل بيزنس تانى ليك و هو (تاليف كتاب / عمل موقع الكتروتى / عمل كورسات مسجلة للبيع )  الفكرة حاول تفكر برا الصندوق و دا اللى هم عملوة من اول تاليف كتب و انشاء مواقغ و اعطاء كورسات على اليوتيوب 
10/ انا مش عندى عقدة الخواجة و لكن هات العلم من مصدرة .. بمعنى اصح مينفعش تعمل دراسات اسلامية من المملكة المتحدة (بريطانيا) و انت عندك الازهر ... نفس الموضوع  حاول تتعلم  و ترجم لانهم سابقينا و باذن الله مع الوقت نطور 
11/ ادارة راس المال اهم من الاستراتيجية ذات نفسها . فى ترايدر تختلف معايا لكن دا اى الشخصى 
12/ انك تحجم و تقلل نفقاتك مش معناة انك بخيل . بالعكس انا بقولك لازم تسافر و تشوف الدنيا فى شهر 12 ... بس حاول تقلل الضغوط اللى عليك 
13/ متحاولش تتغر بالصور دى مثلا لانها النهاية مش البداية 
الحمد لله   تم الانتهاء من المقال و اتمنى لكم الاستفادة >>
تنبية هام
جميع مقالات يتم نشرها فى يوم السبت و الاحد  فقط لا غير انتظرونا دائما 

بقلم / احمد الشيمى 
مؤسس forex speaker 

الاثنين، 17 أغسطس، 2015

نسبة ال 2% و الحماية من اسماك القرش من الكسندر الدر

نسبة ال 2% و الحماية من اسماك القرش  من الكسندر الدر

السلام عليكم و رحمة الله و بركاتة . احب ان اشارك معاكم موضوع من الكسندر و هو من اشهر مولفين كتب عن التداول فى البورصة . النهاردة معانا موضوع عن ادارة راس المال و ووجهة نظر الكاتب و المقال المترجم من كتاب اسمة 
come into my trading room 
الكتاب اكتر من رائع انصح اى ترايدر محتار لادارة راس ماله و بيحاول يعمل ادارة 
صارمة و قوبة انة يقرا كتابة ...  هنعرض مع بعض المقال بالصور عن فكرة ال 2% و الحماية من اسماك القرش
الكاتب روائى شوية و علشان كدا هعمل ترجمة للموضوع (المفيد و الفكرة الاساسية ) و لكن المصدر صورتة موجودة لاطلاع اى ترايدر على الاصل 

الصورة الاولى 

الكاتب فى بداية مقالة بيكلم عن الخسارة الفظيعة الوحيدة اللى ممكن تلاقيها و انت بتراجع صفقاتك خلال اى مدى زمنية 
هتلاقى نفسك عامل ارباح خلال صفقاتك و كمان انت فخور بيها بس فى صفقة واحدة فظيعة جدا و مودياك فى داهية و بيكلم ان جميع التجار بيحلمو بالارباح السريعة و لكن بيكون مذهول عند انعكاس الترند او روية الخساير بتكبر و بيكون مش عارف يتصرف ازاى عند انعكاس الترند بقوة لانة من المفروض يكون ليك قواعد ثابتة تعرف هتعمل اية خلال اى صفقة خاسرة و مش هتسيبها للحظ 
من الاخر لازم تكون عامل حساب السيناريو السىء للصفقة و دا اهم من راى الشخصى من المكسب اساسا 
التحليل الجيد للسوق مش لوحدة هيخليك رابح دائما  
لو كان كدا يا ريس كان كل المحللين بقى عندهم ملايين و دا اكبر فرق بين المحلل و التاجر و المضارب و المستثمر و الخ الخ .....  مسميات كتيير اوى... قدرتك على الحصول على صفقات جيدة مش هو الضامن الوحيد للنجاح .. كمثال شمعة بين بار 
على الاربع ساعات 
مفيش اى تحليل او بحث هيعملك ربح مرضى الا لو حميت نفسك من اسماك القرش .يوجد بعض المتداولين من حققو 20 او 30 صفقة ربح بل اكتر من 50 صفقة ربح و لكن فى النهاية او المحصلة خسرانين . لما تفم الجيم ماشى ازاى و تكون واعى و مدرك ان حمايتك من اسماك القرش بلا شك من ادارة راس المال الصحيحة 
نظام التداول الجيد يعطيك قوة و نظرة قوية على المدى البعيد لحسابك . و لكن من الممكن صفقة و احدة فقط لا غير كفيلة ترجعك تانى لورا و ساعتها نفسية المتداول بتكون من اضعف ما يكون .و لكن المتداول الجيد هو من ينهى عامة على ربح جيد و يستخد الاستوب لوزلحماية راس مالة  (من الاخر مش الموضوع ستوب لوز من راى الشخصى و لكن الفكرة فى التحضير النفسى للخسارة و التحضير الكامل لسيناريوهات عكس الاتجاة مع ادارة راس المال القوية )
بالله عليك ركز اوى فى الكلمتين دول . التحليل الفنى بيساعدك انك تقدر تقرر فين بالظبط وقف الخسارة .تقلل خسارتك على السهم (او فى الفوركس .. الفكرة واحدة ) .قواعد راس المال  بتحمى راس مالك . اهم قاعدة وحيدة و هى تحاول تحجم (تقلل) خسايرك من اى صفقة .

وقف خسارة اى صفقة على 2% من الاكويتى (مش الرصيد يا ريس)

نسبة ال 2% خطورة على اى صفقة من الاكويتى بتاعك (من اللمكن تكون فاتح صفقة اخرى سوينج تريد مثلا ) بتحميك جدا جدا عمنا الكسندر كاتب مثال على الاسهم انا هترجمهولك على الفوركس و هفهمك المثال 
انت عندك فرصة على عملة المجنون و شايف ان السيجنال معاك شرا ووقف الخسارة ان الترند يتحول عليك على بعد 50 بيب ...  الاكويتى اللى  معاك على الحساب حوالى 1000$  الف دولار لا غير 
السوال هنا   قيمة البيب هتكون بكام ؟؟؟؟؟
منى ليك كدا و من الاخر اللى يسالك قيمة البيب انت بتدخلها بكام على كل 1000$  من غير ما يشرحلك هو بيشتغلك ( هو الامان عادة 20 سنت ).. لكن عن طريق تطبيق نسبة ال 2% و الحماية من تقلبات السوق لازم تقولة اركن جنب اخواتك  و اسمع منى 
انت مينفعش تحدد قيمة البيب جزافيا من غير ما تعرف الاستوب كام لانة من المفروض يتغير بتغير عدد البيب اللوز 
من غير ما اطول عليك هفهمك الكسندر بيقول اية !!!
نسبة ال 2% على 1000$  هى 20$  كلام جميل   يبقى اما معايا 20$ مستعد وراضى انى اخسرهم فى اى صفقة 
تعالى نشوف التيم فريم و الاستوب و التارجت بتاعنا   كلام المعروف ال RATION  هيكون 1:2
انت شايف قدامك على استراتيجيتك انك ممكن تخسر 50 و فى نفس الوقت ممكن تربح 100 بيب   كلام جميل جدا طيب بردو قيمة البيب معروفة انا بعملها يا عم كل 1000$  بتاخد 20 سنت  هقولك لا هنا اسلوب تانى سوية 
هتقسم  20$ اللى هم (2%)  على عدد البيبات 50 بيب = 40 سنت 
سيبقى قيمة البيب اعلى من ال 20 سنت فى حالة تطبيق ال 2%  ....  و انت ممكن تكسب 40سنت *100 = 40$  و كدا انت حامى راس مالك لانك عامل استوب على 50 بيب .....  
طيب لو انا عامل تيم فريم اقل و شايف انى الاستوب بتاعى25 بيب بس و التارجت 50 بيب   يبقى قيمة البيب هتتغير يا ريس 
لانك 2% او ال 20$  /25 = 80 سنت   مش 40 سنت 
تغير قيمة البيب على اساس الاستوب اللى انت شابفة على التيم فريم و استارتيجيتك مع تثبيت قيمة الريسك على 2% من الاكويتى (للمرة التانية خلى بالك مش من راس المال)

الصفحة الثانية 


و اذا تمت الخسارة سيكون الحساب اصبح 980$  فقط  لان خسارتك هتكون 20$ فقط لا غير و بالتالى فى الصفقة التانية هيكون قيمة الخطورة هى ال 2% و هى هتكون 19.60$  مش  20$ و بالتالى انت  مش هتحس انة فى فرق قوى جدا من حيث قوتك فى السماح بالخسارة من 20$ ل 19.60$   يعنى انت موجود بردو فى السوق و كمان خسران صفقة قبل كدا 
و لو كسبت ما شاء الله هيكون حسابك حوالى 1040$ و قيمة ال 2% خطورة حوالى 20.80 $  ...  الى حد ما نفس القيمة و الفكرة انك بتعلى واحدة واحدة
مبتدئين التداول هيقولو انها نسبة قليلة جدا و من المفروض تعلى اللوت اكتر و لكن الحقيقة فى الواقع العملى المحترفين بيقللو اكتر من 2% و فى منهم بيصل ل 1% خطورة و محاولة النجاة من اسماك القرش فى السوق
و قد اخبرنى افضل مديرين الصناديق الاستثمارية بان النسبة عالية جدا (ركز بالله عليك ياعم ) و انة بيحاولو تجربة نظام تكبير احجام التداول خلال ال 6 شهور القادمة . و انهم مبيعملوش  خطورة اكتر من 0.5% (ياااااة  دا احنا كنا عايشين فى البطيخ ) . افضل التجار بيحاولو  يتاجرو اقل من 2%  و بتكون 1% او اقل 

ملخص المقال 
1/ عارف انة كمدير صندوق او محفظة بيدير ارقام خيالية... و احنا  كتجار عاديين راس مالنا قليل جدا  و مدرك دا اوى .. بس بردو انت اكتر واحد تخاف على فلوسك ومفيش مشكلة لما كل يوم تعمل صفقتين فقط لا غير من الممكن انهم يعملولك ربح يومى 2% نهائى و دا رقم كويس جدا خلى بالك 
2/  اسلوب المخاطرة 2%  بيعتمد على الاستوب انت ممكن تعدل  علية 1% خطورة مع عمل هيدج و من غير استوب ..  على حسب استراتيجيتة  و انصحك تشوف استراتيجية ال ZONE RECOVERY   
3/ متبقاش حافظ و مش فاهم .. اتاقلم مع الصفقة و قبل ما تدخلها لازم تكون عامل حساب السيناريو السى 
4/ ادارة راس مالك بتحميك و تحمى فلوسك و دا الاهم (مكسبى عدم خسارتى)
  انصحك تشوف   ازاى تعمل خطة تداول 
5/  لما تكون عامل على كل صفقة 2%  حماية ووقف دى  هتخليك تعرف عيوبك من غير ما تمرجن فى اسبوعين ...   
6/ جرب لمدة اسبوع و انت هتحس بالفرق ان الكل بيصرخ من اى دروب من السوق و انت الوحيد اللى طالع باقل خسائر 
7/  ادارة راس المال ليها اكتر من نظام و كل واحد على حسب طمعة او شغلة او اهدافة 
انت معاك فكرة اللى بيحصل فى الصناديق  و البنوك و الى بيحصل عملى بينهم و انت و قرارك 
8/  انت عارف لو كل يوم معدل خسارتك 2% دا معناة اية !!!
انت محتاج50 يوم تداول خسارنين و را بعض علشان الحساب يصفر ...
9/  لو خلال الشهر عملت  من 10% ل 20%  انت بطل (خلى بالك انك لو شغال على 2%  انت باذن الله تعملها و انت رايق من غير ضغط اعصاب او مقامرة على الاكونت)
10/   المقال لالكسندر الدر و هو من اشهر المولفين فى التداول بس شوية روائى (اكنك بتقرا اجاثا كريستى هههه)