السبت، 20 ديسمبر، 2014

شرح كامل لشهادة CFTe موضوع حصرى

شرح شهادة CFTe1 المقدمة من الاتحاد الدولى IFTA

النهاردة احنا هنكلم بالتفصيل خلى عندك صبر بالله عليك 
فى حاجة اسمها الجمعية الدوليه للمحللين الفنين و هيا منظمة غير هادفة للربح يعنى يتقال عليها من الاخر NGO
المنظمة او الجمعية دى ليها فروع على مستوى العالم 
و الحمد لله مصر من اقدم الفروع و متمثلة فى الجمعية المصرية للمحللين الفنيين
يعنى من الاخر كل بلد عندها منظمة محلية و كل المنظمات دى تابعة للام و هيا IFTA
IFTA يعنى international federation technical analysts
و فى مصر اسمها 
   ESTA   يعنى the egyptian society of technical analysts
المهم الناس اللى هناك دول عملو نظام منهجى ازاى تتعلم التحليل الفنى و عملو شهادتيىن و هما
CFTe و دى ليها يا رجالة part 1.2 
MFTA (بلاش نفكر قيها دلوقتى ههههه )
النهاردة احنا هنشرح شهادة CFTe 1
اية يعنى CFTe
معناها certified financial technician 
من الاخر المحلل الفنى المعتمد
تمام هيا  ليها جزئين
نصلى على النبى و نبتدى من الجزء الاول

CFTe1



من الاول كدا انا مبجبش حاجة من عندى  كل الكلام موجود على السيت بتاعهم 
تمام
انتو فاكرين من الجزء الاول انا قلت لية انك من الافضل انك نعمل العضوية تبع الجمعية المصرية الاول
لية 
هقولك
علشان الاتحاد الدولى قالك اللى هيمتحن و من غير ما يكون عضو فى الجمعية المحلية اللى هيا فى بلدة و يعمل ذكى (كانو حاسين بالمصريين  =D) هيدفع 700$  بس لو انت كنت عضو فى الجمعية المحلية التابع ليها بلدك هتدفع 500$ بس
يعنى نرتب الافكار كدا
اعمل العضوية بتاعت الجمعيىة المصرية اللى هيا  فى حدود  350 مصرى  و ذاكر الشهادة مع نفسك و بعدين ادفع 500 $ بس و امتحن 
انت كدا و فرت بامانة 
بعد ماعرفنا هيا بكام نعرف شكل الامتحان 
                                             الامتحان 
هو الاختيار من متعدد يعنى MULTI -CHOICE
نظام امريكى بقا انسى مواضيع التعبير بالله عليك بتاعت الثانوبة العامة 
اديلك مثال علشان متقلقلش و يبقى قلبك جامد =D
1/technical analysis is the study of 
a/crowd psychology
b/formations and patterns
c/balance sheet
d/contrary opinion
ما عليك تقرا و تختار 
و هما حوالى 120 سؤال من متعدد
الزمن للاجابة ساعتان و نصف
نسبة النجاح  70%   
ازاى تسجل بص  من الاخر عليك و على الجمعيىة اللى انت تابع ليها طبعا هيشوفو العضوية بتاعتك سارية طب تمام و يظبطوك هناك =D

مواعيد الامتحان 

هنا فى ميزة كويسة اوى انك ممكن تمتحن فى اى وقت  الامتحان خلال العام 
الميزة دى مش فى PART 2 خلى بالك و متتعودش على كدا  ههههههه

اللغة 

من الافضل ليك يا معلم انجليزى من غير ما تدخل فى دفع مصاريف الترجمة و فى الاخر شكلها مش لطيف و من غير نتيجة 
هقولك لية من غير نتيجة 
كل الماتيريال و الكتب انجليزى انت هترجم و بعدين تترجم الامتحان و بعدين تجاوب بامانة مشوار دا طبعا غير انة عندك مصطلحات اقتصادية و متخصصة ترجمتها اصلا مش هتريحك
يبقى من الافضل تبتدى انجليزى احسن 

مكان الامتحان 

تبع pearsonvue دا مكان لعمل الامتحانات و هو دولى  انا هسهلهالك و هقولك فين فى مصر انت هتتمتحن و بالظبط




المنهج

السيت بيقول انة اساسا هيا سيلف  ستدى SELF STUDY
يعنى من الاخر تجيب  الكتب و تذاكر و تمتحن 
الاستاذ حسام الحورانى لية فيديو جميل يستحق المشاهدة 

و
و رابط المكتبة للاستاذ على ال 4 shared 

http://www.4shared.com/folder/KfUUxJBE/cfte1.html

بس قالك ممكن تكون الجمعية المحلية تقدم كورسات الاعداد للامتحان الدولى 
انا من رائى طالما انت دورت على النت يبقى بلاش تروح تاخد كورسات و باذن الكتب هتلاقيها موجودة عندى تنزلها و تذاكر
لانك لو فكرت تشتريها من على امازون او اى مكان هتزعل اوى (انا زعلت كتيير قبل كدا)
                                              الاستثناءات
اةة  خلى بالك و متبقاش مشتت  يعنى اية 
هقولك  ,,فى جمعيات كتير(المصرية /اليابانية/...) بتقدم شهادات خاصة بيها و بعد كدا تعادلهالك بال CFTe
يا عم لية اللفة دى كلها 
انت عارف انت عاوز اية انجز و مشى حالك    حالك يمشى 

ملاحظات هامة

وقت الاعدادا للامتحان الجزء الاول هو 3 شهور و بامانة هيا قدرات عقلية ممكن تنجز الكتب و تذاكر تمام و بعد شهرين تمتحن انت عارف نفسك انا بكلم على النورمال

انت ممكن تمتحن الجزئين مع بعض ازاى 
انت كدا كدا عارف ان الجزء الاول خلال السنة مفيش مشكلة 
و الجزء التانى و دا لية بردو بوست لوحدة  بيتعمل مرتين فى السنة 
ممكن تبقى ذكى    يعنى مصرى و تمتتحن الاتنين مع بعض ما هو كلو تحليل فنى ههه

هيا دى شهدتك يا محلل  هههههه



             معلش الراجل اسمة غريب شوية بس محلل معتمد
                  تخيل اسمك موجود و يالا مع بعض نمشى الطريق 



مع تحياتى