الأحد، 12 أبريل 2015

افضل 10افلام اجنبية عن المتاجرة فى اسواق المال (موضوع حصرى) الجزء الاول

افضل 10افلام اجنبية عن المتاجرة فى اسواق المال        (موضوع حصرى)   الجزء الاول 
صباح الخير 
النهاردة احنا هنكلم عن فكرة لكل المهووسين بالمتاجرة و البورصة سواء كانت الاسهم او العملات
قعدت ادور اية هيا افضل الافلام فى السينما اللى بتتكلم عن البورصة و كلنا عارفين اشهر الافلام دى هيا WALL STREET
بس انا كنت عاوز اعرف اكتر 
باذن الله تعالى فى المقال هنا هتلاقى مجموعة باْهم الافلام فى السينما

الفيلم الاول 

 Wall Street (1987)


من اشهر الافلام فى البورصة و الكل اكيد سمع عنة . هو الجزء الاول مش مشهور زى الجزء التانى لانة قديم شوية بس بامانة كويس جدا جدا ...  وكفاية الممثلين اللى فية . بجد ناس روعة .و كمان  وول ستريت هو فيلم دراما أمريكي صادر في 1987 عن شركة فوكس. وكان من إخراج اوليفر ستون بطولة مايكل دوغلاس، وتشارلي شين، وداريل هانا. وقد كتب سيناريو الفيلم ستانلي وستون. ويحكي الفيلم قصة، شاب يائس يسعى لتحقيق النجاح ويتورط مع غوردون

الفبلم التانى
 Wall Street: Money Never Sleeps (2010) 
دا الجزء التانى من وول ستريت (وول ستريت: المال لا ينام أبداً).. و هو الاشهر على الاطلاق و قصة جميلة جدا داخل وول ستريت و فيها خبرة كتيرة هتتعلمها و هو فيلم دراما تم إنتاجه في الولايات المتحدة سنة 2010. الفيلم من إخراج أوليفر ستون وكتابة أوليفر ستون و ألان لوب . الفيلم دا انا عدتة اكتر من مرة ... روعة 
  1. الترشيحات: جائزة الجولدن جلوب لأفضل ممثل مساعد، جائزة إختيار المراهقين لأفضل ممثل في دور درامي

الفيلم التالت

The Wolf of Wall Street (2013)

عمل ضجة كبيرة اوى ...  هو فيلم لقصة حقيقة حصلت . ممم  فية بعض المشاهد لكبار السن (خلى بالك من الاطفال )  بيكلم عن فساد رجل اعمال فى وول ستريت و ازاى التلاعب بالاسعار على الاسهم .. من الاخر جيمات البورصة بتتعمل ازاى!!!
اسم الفيلم ذئب وول ستريت . فيلم سيرة ذاتية وكوميديا سوداء أمريكي 2013 من إخراج مارتن سكورسيزي، مستوحى من مذكرات رجل الأعمال السابق جوردن بلفورت>>  وكفاية يعنى ليوناردو   فى الفيلم دا اصلا lol
رابط ويكيبيديا  شوف الجوايز اللى واخدها الفيلم  ... كان مكسر الدنيا 

الفيلم الرابع

The Pursuit of Happyness (2006)

مفيش اى  فيديو على اليوتيوب و الا لازم  تلاقية واخد من الفيلم دا كام مقطع لتحفيز الذات ..  فيلم مشهور و كويس جدا و هو السعي للسعادة أو البحث عن السعادة هو فيلمُ سيرةٍ ذاتيّة دراما أمريكي مُستَنِدٌ على قِصّة كريستوفر جاردنر من إخراج غابرييل موكينو وبطولة ويل سميث وابنه جيدن وصَدَر في سبتمبر 2006 >و فاز بجوائز كتيير 

الفيلم الخامس

Margin Call (2011)

الفيلم دا لازم لازم يتشاف اكتر من مرة علشان قصتة جميلة اوى و بتتكلم على التكنولوجيا و اية ممكن تعمل فى اسواق المال 
انا عمال اشوفة اكتر من مرة لانة بجد لما تشوف واحد مهندس صواريخ و معاة ماستر فى الهندسة ساب كل دا و شغال على برمجة فى اسواق المال   حاجة غريبة .. المال  يعمل كدا و اكتر بجد  قصة جميلة اوى و طاقم العمل جامد جدا 
و كمان كان مترشح للاوسكار

الفيلم السادس

Owning Mahowny (2003)

مدير بنك و بتاع قمار  و قامر على 10 مليون $ (ههههه)  و هو قصة حقيقية لمدير بنك فى كندا اسمة بريان مولونى ..  بامانة  انا بدور على الفيلم علشان اشوفة و لكن شوفت مواقع كتيير اوى مرشحاة للمشاهدة

رابط ويكيبيديا


الفيلم السابع

 Rogue Trader (1999)

بيمثل دور الوسيط فى الورصة  البروكر و هو مرخص و لكنة عمل كام تريداية غيرمسجلة .. و هو قصة حقيقة ل نيك ليسون , و بيكلم عن عدم الامانة للبوركر  (شركات الوساطة )  فيلم شيق و لكن  لم تتم المشاهدة حتى الان  






الفيلم التامن

Boiler Room (2000)

انتو عارفين ان الفيلم دا فية فان ديزل ...  فيلم كويس انا شفتة بس هو دراما شوية ... علشان كدا معدتوش   (ههههه)...

الفيلم التاسع

Trading Places (1983)


فيلم كوميدى 



الفيلم العاشر 

Trader (1987)

فيلم وثائقى روعة  و لكن من الزمن الجميل  بيحكى عن حياة  بول تودور جونس  ... مشاعرة و طمعة كل شى 



الحمد لله انتهيت من الجزء الاول

انتظرونا فى الجزء التانى 

0 التعليقات:

إرسال تعليق