الثلاثاء، 28 أبريل 2015

يوميات فوركساوى


small rss seocips ميوزك MP3
enjoy the music

اداة Mostafa anber
 بسم الله الرحمن الرحيم
أولا وقبل أى شئ أحب أشكر أ/أحمد الشيمى لانه اتاح الفرصه لى انى احكى تجربتى فى الفوركس على مدونته القيمه

حد هيسألنى : ايه الفائده من اننا نتكلم عن تجارب بعض و كل واحد يقول هو ماشى فى السوق ازاى هل انا هستفيد ولا هو كلام و حكاوى و خلاص؟؟
أقول له : لا فيه استفاده لانك وانت ماشى معايا فى المشوار هقولك على تساؤلات انت دلوقتى بتفكر فيها لانى برضه فكرت فيها وعدت عليا قبل كده و كمان هاقولك على غلطاتى لعلك تخلى بالك منها و ماتغلطهاش و ممكن كلامى يطلع فى دماغك فكرة ماكنتش على بالك !!
وهكذا

سؤال برضه هيجى على ذهنك دلوقتى 
طب عرفنى بنفسك و ايه اللى انت حققته عشان تحكيه؟
هقولك انا أسمى مصطفى عنبر مهندس زراعى من اسكندريه وعمرى 30 سنه و متزوج وعندى ولد وحيد (لحد دلوقتى)وبشتغل فى الفوركس من 2012 و دلوقتى وصلت لمرحله ان الفوركس اصبح هو مشروعى اللى متفرغ له بجانب بعض الاعمال الاخرى ولكن ليست وظائف وهدفى انى اوصلك للنجاح مش شرط انك تتفرغ لكن انك تكون ناجح فى الفوركس

=النجاح يعنى انى اكسب ؟
- لا
=اومال؟
-انت لو فى البدايه النجاح بالنسبه لك انك تتعلم و تجرب تشتغل بنفسك بعد كده يكون النجاح فى السوق انك ماتخسرش و بعدها تأتى مرحله المكسب و بعدها تأتى مرحله تكوين الثروه

= هو فيه حد وصل لكده ؟ وماتقوليش الاجانب 
- اه فى ناس فى الوطن العربى وفى مصر و ناس اعرفهم شخصيا عملوا فلوووووس كتيييير من الفوركس
=طب إزااااااى ؟؟؟!!!
-ماتستعجلش و امشى معايا واحده واحده و اسمع حكايتى من اولها

لكن ابتداء من الحلقه القادمه 

*** انا خلال سرد التجربه لن اذكر اسماء اشخاص ولا شركات عشان نبعد عن شبهه الدعايه لاحد 

تابعنى على Facebook
https://www.facebook.com/pages/3S-Trading/1554089874867838

مصطفى عنبر

0 التعليقات:

إرسال تعليق