الجمعة، 29 مايو 2015

استراتيجيات فوركس بالايشيموكو (الجزء الاول). موضوع مترجم و حصرى

استراتيجيات فوركس بالايشيموكو(الجزء الاول) . موضوع مترجم و حصرى 

السلام عليكم و رحمة الله 
النهاردة احنا هنبدا فى عرض استراتيجيات الفوركس المختصة بالايشيموكو كينكو هايو وطبعا من كتاب 


Trading with Ichimoku Clouds: The Essential Guide to Ichimoku Kinko Hyo Technical Analysis

وبعد عرض الجزء الاول اللى كان بيتكلم عن خطة التداول النهاردة هنكلم عن الاستراتيجيات 
نبدا باسم الله
دى صورة اول صفحة ل chapter 5 و الخاص بالاستراتيجيات

الصفحة الاولى


فى هذ القسم . سوف اتناول مناقشة لاكثر من استراتيجية تعتمد على الايشيموكو.انا كنت بجد متردد فى عرض قسم خاص بالاستراتيجيات  لانة من المحتمل انة يكون غير بناء (هادم) و انا اقصد هادم  لانة من الممكن ان  يشتت الترايدر من كتر الاستراتيجيات و مش هيعرف يركز فى استراتيجية واحدة . هيشوف كل الاستراتيجيات مرة واحدة و هيحاول يطبقها مرة واحدة علشان يعرف افضل استراتيجية لية فى بداية تعليمة . بدلا من انة يعمل باك تيست لكل الاستراتيجيات على الشارت و يعرف الافضل لية ... الترايدر اللى هيعمل كدا  هيكون نهايتة الفشل
لو انت طالب جديد  للايشيموكو (مبتدى) انصحك ا نك تاخد وقتك علشان تتعلم الاستراتيجية المثالية(simple and ideal strategy) و هى الاستراتيجية اللى اكلمنا عليها فى الفصول السابقة (هتيجى اول استراتيجية متقلقش يا معلم ). والاستراتيجية دى هى الاساس لكل الاستراتيجيات اللى بعدها ..باستخدام و فهم الاستراتيجية الاساسية المثالية هتقدر تفهم كل الاستراتيجيات المتقدمة  اللى جاية  ودا من غير مترجع للفصل السابق مرة تانى .من المستحيل نجاح صفقاتك باستخدام الاستراتيجيات المتقدمة بدون فهم الاستراتيجية المثالية الاساسية للايشيموكو . لان الاستراتيجيات المتقدمه ما هى الا قسم (قطعة/جزء) من الاستراتيجية المثالية و لكن مع الاختلاف فى بعض القواعد
و هنا توجد 5 استراتيجيات 
1/ استراتيجية ايشيموكو المثالية
2/ استراتيجية تقاطع كلا من  التنكن سن/ الكيجن سن
3/ استراتيجية تقاطع الكيجن سن
4/ استراتيجية اختراق  سحابة الكومو
5/ استراتيجية تقاطع الشينكو

 الصفحة الثانية


كل استراتيجية و ليها الغرض الخاص منها . انا _باختصار_هشرح كل استراتيجية لوحدها و هقول قواعدها 
يوجد بعض تجار الايشيموكو ليهم قواعد مختلفة لكل استراتيجية (من الاخر كدا فى ناس بتغير فى اعدادات الايشيموكو الاساسية).

الاستراتيجية المثالية للايشيموكو (الاساسية)

هى دى الاستراتيجية اللى كانت فى الفصل السابق . انا اراها كانها الاستراتيجية (الاعلى احتمالية). لانها استراتيجية امنة و استراتيجية محافظة.
الهدف من الاستراتيجية دى من الاخر كدا يا رجالة انها هتديلك باذن الله من 30% ل 40% من الترند (لو الترند 100 بيب   انت هتوصل بربح 30بيب او 40 بيب )
ومن الاخر مش هتاخد الترند من بدايتة و مش هتعرف نهايتة فين .فى الحقيقة.بالاعتماد على خطة التداول بتاعتك .  هتكون اكثر عرضة لخسارة الصفقة عند انتهاء الترند (يعنى لو الترند كان فى اخرة ممكن تكون الصفقة خسرانة بس يا رجالة خلو بالكو لانها لو خسرانة انت هتدخل بعد كدا مع الترند الصح و تكون واخدة من اولة يعتبر . الفيصل هنا ادارة راس المال )
الاستراتيجية دى بتستخدم جميع عناصر (مؤشرات)الايشيموكو كينكو هايو و بالتالى  لازم تكون عارف كل العناصر و فاهمها كويس جدا و عارف هم شغالين ازاى من الاخر  علشان تفهم الاستراتيجية المثالية.و انا اطلق عليها (الاستراتيجية الاساسية) من غير ما تعرف الاستراتيجية الاساسية بمكوناتها كاملة مش هتقدر تفهم الاستراتيجيات المتقدمة اللى جاية يا عم (انا شايفك بتسقط منى ركز بالله عليك  هههه)

 القواعد الاساسية للشراء طبقا للاستراتيجية المثالية

1/ السعر اعلى من سحابة الكومو
2/ التنكن سن اقوى / اعظم (اعلى) من الكيجن سن
3/ الشيكو سبان يكون اعلى من السعر (السعر اللى من 26 شمعة ورا)
4/ الشينكو سبان A اعلى من الشينكو سبان B    (من الاخر السحابة صاعدة )
5/ السعر ميكونش بعيد عن الكيجن سن و التنكن سن (تفرق المسافة من التيم فريم )
6/التنكن سن و الكيجن سن و  الشيكو سبان ميكونوش جوا سحابة كبيرة 

القواعد الاساسية للبيع طبقا للاستراتيجية المثالية

1/ السعر تحت سحابة الكومو
2/التنكن سن  اضعف (تحت ) الكيجن سن
3/ الشيكو سبان يكون  تحت السعر (اللى اللى من 26 شمعة ورا)
4/الشينكو سبان A تحت (اقل) من الشينكو سبان B (من الاخر السحابة هابطة)
5/السعر ميكونش بعيد عن الكيجن سن و التنكن سن (تفرق المسافة من التيم فريم)
6/التنكن سن و الكيجن سن و الشيكو سبان ميكونوش جوا سحابة كبيرة

 تم الانتهاء من اول استراتيجية (لسة فاضل 4) الحمد لله انتظرونا فى الجزء التانى