الخميس، 28 مايو، 2015

ازاى تعمل خطة تداول Trading Plan .. موضوع حصرى و مترجم

ازاى تعمل خطة تداول Trading Plan .. موضوع حصرى و مترجم 

السلام عليكم و رحمة الله
النهاردة احنا هنعرض موضوع مهم عن ال Trading Plan   لانة اى ترايدر لازم يكون عندة خطة للتداول قبل ما يشتغل
الموضوع مترجم من كتا ب مشهور جدا فى الايشيموكو و اسمة 

Trading with Ichimoku Clouds: The Essential Guide to Ichimoku Kinko Hyo Technical Analysis

انا هعرض2 chapter  بتاع ال Trading Plan   فى صور  باذن الله نعرض المفيد من كل صفحة 

الصفحة الاولى 


الكاتب هنا بيكلم ان خطة التداول دى هو هيعملها باك تيست فى ال Chapter اللى بعدة و هى خطة ناجحة جدا .و بيقول مش معنى ان الخطة ناجحة جدا على الباك تيست انها هتكون فى المستقبل فى نفس النتيجة . و لكن بيكون فى  احتمالية عالية جدا انها تكون ذات عائد فى المستقبل 
عناصر الخطة 
خطة التداول اللى هعرضها (كلام الكاتب )بسيطة جدا جدا و ممكن اى ترايدر تانى يغير فيها او يغير من عناصرها .. لان كل ترايدر مختلف عن الاخر و مختلف كمان فى اسلوب التداول  .. لو انت مش عارف اسلوبك فى التداول من الافضل انك تكون عارف و دا عن طريق معرفة نقاط القوة و الضعف فى شغلك .. مينفعش من الاخر تبنى خطة تداول من غير ما تعرف اسلوبك و نقاط الضعف و القوة (سوينجاوى _سكالبر ....)
مينفعش تبتدى شغل غير لما تكون الخطة مكتوبة على ورق .  (مثال) مينفعش تبدا بيزنس من غير تكون فى خطة مدروسة على الورق (دراسة جدوى/تكاليف ...)
و لو معملتش و كتبت الخطة التداول هتخسر بالتاكيد ...

الصفحة التانية


هنعرض خطة التداول فى نقط 
1/ هنتاجر فقط لاغير على العملات (ليس اسهم) مينفعش نتاجر على اكثر من 4 عملات فى نفس الوقت . لانة من الصعب ادارة  اكتر  من 4 عملات فى نفس الوقت 
2/ مينفعش نخصص اكتر من 20% من راس المال فى وقت واحد
3/   لا يتم استخدام المارجن (اعتقد انة يقصد ادارة راس المال و تكون قيمة البيب 0.01% من الاكويتى و مش من الكابيتال )
4/ لا مزيد من الصفقات . بمعنى انك دخلت  صفقة على عملة .. مينفعش انك تعمل تبريد او هيدج ..(يا عارف يا مش عارف .مش كل 10 بيب تعمل تبريد على  هيدج)
5/ متشتغلش غير لما تكون العملة بتاعتك معمولها باك تيست . بمعنى اصح فى عملات ممكن  يكون الباك تيست بتاعها مش مربح و بالتالى البعد عنها .. و فى عملات اخرى ممكن تعمل ربح على الخطة و الاستراتيجية بتاعتك ..(انسى استراتيجية العفريت و الكلام دا بالله عليك)
6/ تنفيذ خطة التداول بحذافيرها و من الاخر .. طالما كتبتها و فى اشارة بيع بيع من غير عاطفة (الفكرة البعد عن العاطفة فى التداول و علشان كدا انت عندك استراتيجية و عندك خطة تداول)
7/ يتم تقييم كل الصفقات على اساس شهرى علشان نقدر نحدد الخطة او الاستراتيجية بتاعتك محتاجة تغيير او مش محتاجة تغيير 
8/ فقط لا غير اعتماد المتاجرة على شارت الدايلى (ممكن تغيرها و لكن لازم تثبتها فى الشغل مش كل ساعة تغير ام التيم فريم )
9/نشتغل على forex  و مش على option trading currencies  يعنى عملات بس مش اوبشن 
10/لما يتم تحليل العملة و يكون ليك اليرت(تنبية) باشارة بيع او شرا و تعمل طبعا pending order  اوامر معلقة لا يتم بعدها النظر الى تحليل  العملة مرة اخرى
 و كل الاشارات بتكون على اساس اسبوعى (خلى بالك لو انت بتعتمد شارت الساعة تكون التنبيهات على شارت الاربع ساعات )
11/ حاول انك تعمل تنبية (اليرت)  تحت المقاومات او فوق الدعوم  لانك عادة ممكن تعمل اوردر(بيندنج اوردر)  قبل حركة قوية على العملة 

وصف الاستراتيجية

فى هذا القسم . احنا بنركز على تجارة العملات . الاستراتيجية المستخدمة الان يمكن بكل سهولة ان تتغير و كمان ممكن تتاقلم على تجارة الاسهم . الايشيموكو بيشتغل على اى حاجة فيها (زمن و سعر )  و لا تنسى .كل عملة و ليها شخصيتها (من الاخر كل عملة و ليها شارتها المميز و اسلوب شغل). وبالتالى ممكن يكون ليك استراتيجية لعملات معينة و استراتيجية لعملات تانية  مثال بسيط 
اوامر البيع و الشرا لعملة اليورو دولار تختلف عن اوامر بيع  او شرا الباوند دولار لانة عملة اليورو دولار مش ذى عملة الباوند دولار من ناحية التقلبات (اليورو ممكن يتحرك 100 بيب هتلاقى فى نفس اليوم الباوند اتحرك 150بيب )
اهدافك  (وكمان استوباتك) لكل عملة تختلف عن التانية بمعنى بسيط هدفك لو على اليورو 40بيب  بيكون على الباوند 50 بيب. و من الممكن يكون  لكل عملة استراتيجية و خطة تداول و لكن من الممكن تعمل متوسط ليك فى الاهداف على العملتين (لان العملتين دول هتلاقيهم عاملين correlation  كويس مع بعض ) و بالتالى انت ممكن تثبت الاهداف على المتوسط مثالا 35 بيب 

الصفحة الثالثة

الراجل كاتب الاستراتيجية بتاعتة فى جدول و هنا عامل قواعد الشرا و كمان ادارة راس المال  (اعتقد الصورة مش محتاجة ترجمة )

الصفحة الرابعة

الاستراتيجية هنا على قواعد البيع و ادارة راس المال و بكد ال chapter دا انتهى 

خلاصة المقال

1/ اعملك استراتيجية و خطة تداول و اعرف التيم فريم اللى انت شغال علية و اشتغل على تنيهات على الميتا ترايدر لو مش عارف شوف المقال دا 
2/ انا عارف انة عامل(صاحب الكتاب) الاستراتيجية على اساس ايشموكو .. انت ممكن تعمل باك تيست على استراتيجيتك و تشوفها على المدى الشهرى كباك تيست و بعد كدا تشوف كل عنصر من عناصر ال trading plan و تضيف اللى يناسبك  تغير لغاية اما توصل للنهاية المربحة 
3/  لازم نكتب القواعد على ورق و قواعد البيع و الشرا تكون صارمة و نطبق الاشارات البيع او الشرا بدون عواطف فى الشغل (اعتبر نفسك اله و بتراقب السوق )
4/ متحاولش تعقد الاستراتيجية (مش كتر خطوط ولا مؤشرات) طالما انت عندك ادارة راس مال صارمة متخفش من السوق و الاهم توكل على الله 
5/ مش كل اسبوع تغير استراتيجية و لا كل خسارة تلغى الاستراتيجية و تدور على اليوتيوب و تشوف استراتيجية جديدة و تطبقها لايف (انت كدا هتمرجن يا معلم)
6/ من اشعار و حكم فى الفوركس من متابعين FOREXSPEAKER
من الاخ العزيز عليا  نورالدين هشام 

باذن الله انا ناوى اترجم الكتاب كله  بس على chapters  علشان  يكون الموضوع بسيط ..  كتيير اوى فى المنتديات تلاقى حماسة ترجمة كتاب و فى الاخر متخلصش بسبب ان الكتب اكتر من 200 صفحة و لكن اعتماد نظام اننا ناخد chapter  ونترجمة اعتقد انها افضل و باذن الله انا ناوى اعمل قسم خاص للكتاب دا لانة من رائى الشخصى  من اهم الكتب
بكرة باذن الله هنزل اول استراتيجية فى الكتاب من CHAPTER 5 و هنتابعها بالترجمات بنفس الاسلوب ... اتمنى اجتهادى فى الترجمة على قد المستوى
  
هدفى من انشاء البلوج كان  اساسا حديث عن الرسول 
حديث رسول الله صلى الله عليه وسلم: (إذا مات ابن آدم انقطع 

عمله إلا من ثلاث: صدقة جارية، أو علم ينتفع به، أو ولد 

صالح يدعو له)    اتمنى ان االفكرة و صلت 

اخيرا الترايدر اللى ميعرفش يعمل فلوس من المنصة و يفكر يشغل دماغة على الترايدر التانى سواء بالتوصيات او ادارة حسابات يبقى ترايدر فاشل . خلص الكلام
ربنا يرزقنا كلنا بالحلال 
مع تحياتى         
مؤسس  forexspeaker