الثلاثاء، 4 أغسطس، 2015

ازاى ممكن تدبل حسابك فى الفوركس (الجزء الثالث و الاخير )

ازاى ممكن تدبل حسابك فى الفوركس (الجزء الثالث و الاخير )

السلام عليكم و رحمة الله و بركاتة
اخر جزء من سلسلة تدبيل حسابات الفوركس و هو الجزء التالت و هنعرض فية  3  سيناريوهات ممكن تدبل فيها حسابك
الحقيقة ان الجزء الاول و هو ازاى تعمل خطة تداول و المترجم من اقوى كتاب فى الايشيموكو و هو

Trading with Ichimoku Clouds: The Essential Guide to Ichimoku Kinko Hyo Technical Analysis
و الجزء التانى و هو عرض افكار و تطبيق عملى و كيفية التداول بحسابك بنائا على نسبة مئوية من حسابك
 جزء لا يتجزاء  من موضوع النهاردة .. يعنى من الافضل انك تقراهم قبل ما تكمل الجزء التالت معانا

السيناريو الاول لتدبيل الحساب خلال 5 شهور 

 فى الجزء السابق  حددنا الحد الادنى لراس المال 5000$ و قيمة البيب من راس المال و هى 0.02% من راس مالك 
فى الصورة المرفقة خطة تداول يومية لمدة 5 شهور كاملين لعمل دبلرة الحساب فى الفوركس
بمعنى اصح عمل 5000$ كل 5 شهور 


ملاحظات على الخطة 

1/ انت انتراداى   يعنى صفقاتك بتكون يومية و اغلاق الصفقة  كحد اقصى  اخر الجلسة
2/ تثبيت  قيمة البيب 0.02% خلال الدور كاملة ... بمعنى اوضح فى اليوم ال60  حسابك و صل 8000$  لكن قيمة البيب ثابتة و هى 1$ او 0.02% من ال 5000$ مش من ال 8000$
و بالتالى انت ادائك و ربحك ثابت تراكمى على الدورة الكاملة و هى ال 5 شهور تداول و  لم  يتغير قيمة البيب عند رفع راس المال
3/ لا يتم اى سحب خلال ال 5 شهور او الدورة الكاملة 

السيناريو الثانى لتدبيل الحساب خلال 4 شهور 


فى الصورة المرفقة   هتلاقى بالظبط فروقات مع بداية كل شهر جدا  و كيفية تدبيل الحساب عملى خلال ال4 شهور 

ملاحظات على الخطة 

1/ تثبيت قيمة البيب و هى 0.02% خلال الدورة و رفعها مع رفع راس المال كل شهر
بمعنى و اضح و بسيط انت  مثبت  النسبة المئوية لقيمة البيب بالنسبة لراس  المال و لكن قيمة البيب الدولارية بالنسبة لراس المال بتتغير شهريا
من الاخر من غير كلام  كتيير كل شهر يا ريس لما راس المال بيكبر تكبر معاة قيمة البيب بتاعتك  على عكس السيناريو الاول اللى هو انك ماشى قطر ثابت على قيمة و نسبة البيب بالنسبة لراس المال
و دا اللى انت هتشوفى انة فى الشهر التانى قيمة البيب 120سنت مش 100 سنت و لكن و لكن و لكن   نسبة البيب ثابتة اللى هى 0.02% بس راس المال بتاعنا كبر و الحمد لله خلال الشهر و زاد 1000$ و بالتالى قيمة و مش نسبة البيب هتعلى و هتكون 120 سنت بدلا من 100 سنت 

السيناريو الثالث تدبيل الحساب خلال شهر 

 اللى عمل الخطة استاذ نور
انا قولت ارفقها معانا و استاذنتة بالنشر فى فوركس سبيكر
الحقيقة هو لية و جهة نظر انة من الممكن ان الترايدر يدبل حسابة خلال شهر  و الحد الادنى على الجدول المرفق من 5.000$
انا هعرضلكم الخطة بتاعتة و اى استفسار بخصوصها اتمنى  سؤالة هو 


ملخض عام لل 3 اجزاء خطة التداول و تدبيل الحساب 

1/ قبل ما تشتغل اعرف هدفك
2/ اعمل تارجت معقول وواقعى بناءا على شغلك انت
3/ اهتم بادارة راس المال قبل ما تهتم بالاستراتيجية
4/ حاول تسحب راس مالك الاساسى فى اقرب فرصة
شخصيا عند تدبيل الحساب خلال اى  سيناريو اتمنى سحب راس المال و البدء من جديد على اهداف ابعد (يعنى لما فلوسك ترجعلك تانى من الاخر ممكن تسحب بعد 10 شهور بعد شهر انت و راحتك المهم انك شغال بفلوس المكسب مش من اساس مالك 
)
5/اتعلم استارتيجيات جديدة حبا فى العلم حتى لو مطبقتهاش عملى .. شغفك لليورصة و اسواق المال لازم تجددة 
6/  حاول تفتح حساب فى اكتر من شركة وساطة مش شركة واحدة مهما كانت قوتها (اكبر درس البارى و اللى حصل فى تسونامى الفرنك )
7/ ابعد عن اى توصيات او ادارة حسابات و ركز فى  محفظتك
8/ اللى راسم خطة تداول ايا كانت .. حتى و لو مش منطقية.. افضل من العشوائى الشاطر
9/  بينك و بين استراتيجيتك الهيستورى بتاعك راجعة و عاقب نفسك لو طمعت
(انا شخصيا بعاقب نفسى بالحرمان من التداول لمدة يومين او اكتر لما بطمع ...)
 على حسب كل شخص و نفسيتة

اتمنالكم اسبوع تداول مربح باذن الله للجميع و المقال القادم عن Grid System و التعزيز و التبريد للصفقات