الجمعة، 7 أغسطس 2015

استراتييجية تستحق الدراسة Grid System

استراتييجية Grid System تستحق الدراسة

السلام عليكم و رحمة الله و بركاتة 
موضوعنا النهاردة  عن سيستم  مشهور  جدا كاسبيرت  و بيعتمد على الافريج اليومى للتداول على الازواج و اسمة ال Grid System
 فكرة الاستراتيجية 
فكرتها انها لغت التحليل الفنى اساسا و مش محتاج اللى يشتغل بيها عندة اى معرفة بانواع التحليل سوا فنى او اليوت او ايا كان(لو فاهم تحليل فنى خير و بركة تزود فرصك للدخول الصحيح طبعا )
انت شغال على شبكة مرسومة على الشارت و خطوط افقية و اوامر معلقة و تحديد لوتات و احجامها و عددها 
و الاهم اساسها انها بتعتمد على تبريد الصفقات فى حالة الخسارة و تعزيزها فى حالة المكسب 
تبريد الصفقات فى حالة الخسارة انك لو شارى اى زوج و خسر معاك انت عندك بردو امر شرا على نفس الزوج و لكن انت اللى بتحدد مكانة بحيث يكون على بعد 20 بيب او 50 بيب انت و شغلك على حسب التيم فريم اللى انت شغال علية 
تعزيز الصفقات  فى حالة المكسب طبعا الفقة كسبانة و مكملة صعود معاك و هيتفعل معاك الامر المعلق اللى بعدية و مكملة 
انت بتحاصر السعر   لو طلع انت عامل بيندنج اوردر شرا و لو نزل عامل بيندنج اوردر شرا و بتوزع المخاطر على الخطوط من اول تدبيل اللوت كل خط على اتجاهة
بالنسبة للاسهم و البورصات 
الفكرة  واحد و لكنة اختلف المسمى تصريف و تجميع مجموعة من الاسهم على اسعار قوية 
فلسفة الاستراتيجية
الزمن و السعر و الحركة (السعر لازم يتحرك فى مع الزمن ) محدش شاف السعر واقف يوم تداول ساعة كاملة مثلا او يوم كامل .. لازم حركة للسعر و بالتالى هتتفعل الاوامر 

مميزاتها 

1/ اوامر معلقة ( يعنى او انت مبتقدرش تتحكم فى اعصابك و شغال بيع لما يكون احمر و شرا لما يكون اخضر .. او فى حالة الاخبار انت بتطير مع السوق و بتجرى مع اى حاجة )  الاوامر المعلقة هتفيدك 
2/ ليها اكتر من نوع حيث حجم اللوت هتعمل الاوردات على تدبيل و لا تريبل و لا نفس اللوت السابق 
3/ مش محتاج معاها تحليل لنقاط دخولك (رسمت الشبكة و الكلام انتهى و عملت الاوامر بتاعتك و حاصرت السعر )
4/ اى ترايدر ممكن يبتدى بيها ( انصحك تكمل و تشوف عيوبها اية )

عيوبها 

1/ سهلة جدا 
اةة و الله هو عيب لانها من سهولتها هتخلي عندك استهتار بالسوق و الشارت و تحس ان الترايدر اللى تعبانين على الفريمات انهم اغبية 
2/ ادارة راس مال قوية جدا جدا جدا و اللى مش هياخد بالة كفيلة انها تمرجنة فى سوق واحد (الاورويى مثلا ) تخلى الاكونت بتاعة صفر او تدبلرة ... اللى مش هيراعى ادارة راس المال هيخلى قرار مكسبة او خسارتة  بين انياب السوق 
3/  على بعض منصات البروكر ممكن يكون انزلاق سعر  كتيير و بالتالى احتمالية اوامرك من الممكن متتفعلش و بالتالى سلسلة الخطوط  مش متسلسلة 
4/  الوقت  لو انت محدد ال GRID  على ال4 ساعات و عامل 5 خطوط الفرق 50 بيب  ممكن تكمل معاك يومين تداول و اكتر كمان 

الفرق بين ال Zone Recovery و ال Gride System 

 لو السوق لية اتجاة و اضح و ترند هتلاقى ان zone recovery  اسرع فى مدة قفل الصفقة 
و ان ال Grid System  لسة بدرى علية لانة راسم اكتر من خط و مستنى التفعيل و لو اتفعل بيكون فى تعزيز او تبريد و بالتالى فى النهاية  الهيدج على ال zone recovery  بينجز بسرعة دا فى حالة انك خسران .. ولو كسبان يبقى انت  امان 
ال zone recovery  محتاجة نقاط دخول و نقاط عكس و عمل مساحة التغطية .. يمعنى اوضح الفرق بين  الدخول الخاطى و الهيدج  انت محددة ب 40 بيب
لكن الgrid system  انت شغال علطول على خطوط و اوامر معلقة و مش محتاج تحليل لنقاط دخولك 

فى الصورتين  الاتييتين استراتيجية معتمدة على فكرة ال GRID SYSTEM 

خلاصة المقال  
1/  ال GRID SYSTEM  فعال جدا لو انت عندك خلفية فى التحليل و نقاط الدخول و الخروج  لانة بيساعدك انك تعمل اعلى ربح اذا كان تحليلك صح
و اذا كان التحليل خاطى و فى خسارة بيبرد الخسارة (لانة السعر بيتحرك فى اتجاة و يصحح على فيبوناتشى و يكمل اتجاة تانى )  يعنى لو انت خسران و عارف  ان السعر عاكس و معتد فقط لا غير على GRID  بعكس الهيدج بال ZONE RECOVERY  انت هتطلع بسرعة و دا عن طريق التصحيح 

2/    الاستراتيجية و الفكرة معاك  ممكن متخليش ال GRID  على ارقام محددة ممكن تعملها على المقاومات و الدعوم
بمعنى اصح مش لازم تلتزم بفكرة الشبكة كل 50 بيب و ممكن ترسم الشبكة على الدعوم و المقاومات و تحدد الاتجاهات و دا اقوى لانة الاوامر المعلقة هتكون فى اسعار قوية جدا 

3/ متحاولش تشتغل على الاتنين مع بعض GRID SYSTEM + ZONE RECOVERY
هتكون اوفر ترايدينح و كمان اللوتات هتعمل معاك مشكلة كادارة راس مال 

4/ ادارة راس المال سلاح اى استراتيجية و استمراريتها حت و لو كانت فاشلة من وجهة نظرك 
5/الشغل على استراتيجية واحدة من ترايدر لاخر هيطلع نتائج مختلفة .. و اكبر مثال على كدا الرهان اللى كان على فريق السلاحف
6/  الاكسبيرتات المعتمدة على الاستراتيجية خطيرة جدا لو ترايدر مش متحكم براس مالة ممكن فى اى خبر قوى تمرجن فى ثانية 
7/ الخوف من الانزلاقات السعرية و الجابات مشكلة من مشاكلها لانة المنصة مش هتفعل الاوردر بيندنج 

..................................................................................................................................................
اخيرا و ليس اخرا 
شغفك للعلم و التعليم و اكتشاف اجدد الطرق مش معناة انك تصعبها على نفسك على العكس من راى الشخصى انة بيديلك نظرة اوسع للسوق و محاولة الابداع و التطوير بتيجى مع الخبرة و الوقت
اتعلم و جرب على ديمو و شوف و حاول تستخدم ميزة على استراتيجية و ضيفها و فلترها و اعرف اية اللى يناسبك و اية اللى مش هيناسبك 



اعرف كل شى عن شى... و اعرف شى عن كل شى 

لو هتطبقها فى الفوركس 
اعرف كل حاجة عن استراتيجيتك متسبش اى حاجة فها افهمها جدا جدا
 ... و اعرف حاجة  او معلومة جديد(استراتيجيات جديدة مثلا) عن الفوركس 
مع تحياتى 

احمد الشيمى